Sarhad ke Us paar
Raat ka kaala aasman tez dhooen se bhar gaya tha…………fuel ke jalne ki badboo Flight Lieutenant Ajay Rathod ki naak mein aa rahi thi …………..woh apne parachute ke sahaare uss anjaani dharti par utar raha tha…………..

Dhadaam……………………!!!

aur iss se pehle ki uske paanv jamen par padte …………. Neeche kahin tez dhamaaka hua……… who samajh gaya ki uska RAF B17 fighter plane tukde- tukde ho gaya hoga…………

Jo aakhiri baat use yaad thi who yeh ki uske plane ke left part mein ek dhamaaka hua tha fir jaise hi uske plane ne aag pakdi………usne emergency exit ka button push kar diya tha……..

neeche ko girte hue who yahi umeed kar raha tha ki jaldi hi who dushmano ke haatho mein hoga …………..ya fir neeche girte hi usko goliyon se bhoon diya jaayega……..
par aisa nahi hua……………jaldi hi uske paanv ne dharti ko touch kiya…………sambhalte- sambhalte bhi who bahut tezi se gira………



kathor dharti par girte hi dard ki ek lahar uske saare sharer mein daud gayi……….. ek-do lambi lambi saans lene ke baad who furti se utha…..apne parachute ko shareer se alag kiya…………ab tak uske aankhen andhere mein dekhne ke kaabil ho chuki thi……..


jahan par who khada tha who ek junglee ilaaka dikhaayi pad raha tha……..bilkul sunsaan……….par who jaanta tha ki jaldi hi koi na koi usko dhoondhta hua yahan aa jaayega…….

Usne andhere mein hi ek taraf ko daudna shuru kar diya………..koi 10 minute tak be-tahasha bhaage ke baad usko door kuchh roshni si dhikaayi padne lagi…….par ab uska shareer uska saath nahi de paa raha tha…………idhar-udhar dekhne ke baad usee paas hi ek khandahar sa dikhaayi pada…………..woh uske andar chala gaya…….aur ander ghuste hi jameen par gir sa gaya………..dheere-dheere ek behoshi si uske oopar chhaa gayi…………….
Pata nahi kitni der tak woh behosh raha…………dheere-dheere woh apni chetna mein waapas lauta

Uska dimaag hosh mein aa chukka tha par shareer abhi bhi aadhi behoshi ki haalat mein tha….. bahut jyada thakaan aur dard ke kaaran uska shareer uske dimaag ka saath nahi de paa raha tha……..usne pichhle kuchh ghanto mein huyi ghatnao ke bare mein sochna shuru kar diya….

Yeh 1999 ka samay tha………….kargil war ka daur…….woh Indian Air force mein tha aur ladte-ladte dushman ki sarhad mein pahunch gaya tha….jab uske Aircraft par attack hua uss samay woh dushman ki seema ke lagbhag 15-20 km andar taka a chukka tha….iska matlab abhi bhi woh Border se takreeban 20 km door hai….

Yeh sochte hi uske andar ek naya josh saa bhar gaya………usne apnee peeth (back) par se apne Kit-bag ko uttara aur apna samaan check kiya…. Ek revolver , kuch chocolates , dry fruits , ek hip flask (whisky) aur kuchh aur scientific instruments….saath mein first aid ka kuchh samaan …….

Pehli baar usne apne -aap dhayan diya , uske baayen paanv (left leg), mein ek chot lagi hui thi….shaayad jab who zameen par gira tha tab yeh chot lagi hogi – usne sochaa…..apne bag mein se dettol aur cotton nikaali aur cotton ko poori tarah dettol mein bhigo liya……..fir usne cotton ko apni baayi pindali par – jahan chot lagee hui thee , dheere dheere se ferna shuru kiya,…khoon saaf hote hi usko dikhaayee diya ki uski pindali mein ek gehraa ghaav ho chukka hai……ek metal ka tukdaa andar dhansaa hua tha…..aur shaayad kaafi khoon bhi beh chukka tha……

Usko apne aap par hi aashcharya hua ki abhi tak usne isse bardasht kaise kar liya…fir uske andar se hi jawaab bhi aaya….shaayad jaan ka khauf , dard par bhaari padh gaya tha…

Usne metal ke tukde ke sire ko pakdaa aur apni aankhen band kar ke , poora jor laga kar, ek jhatke se use bahar kheench diya……

“ Ahhhhhhhhhhhhhhhhhhhhhh………………….” Apni khud ki hi cheekh ko who kaboo mein nahi rakh sakaa………….aisa laga ke who fir se behosh ho jaayega….fir usne dettol se bhiga hua cotton apne jakham par jor se dabaa diyaa………….

Kuchh der tak lambi lambi saanse le kar usne fir apni taakat to ikatthaa kiya……

Usne hip flask ko nikaala aur ek badi si ghoont apne gale se neeche utaari………ek teekhi si lehar uske saare shareer mein daud gayi………par kuchh hi palo baad usko mehsoos hua ki ek nayi taakat uske shareer mein aa gayi hai…
Khandahar ke baahar ab halki si roshini dikaayi padne lagi thee…….. “ shayad subah ho gayi hai !!” usne apne aap se kaha…

Who dheere se uthkar baahar aaya……..dard ki wajah se ab uske ek paanv mein langdahat thi……..par iss anjaan jagah par bhi to bahut der tak nahi ruka jaa sakta tha….

Usne apne bag mein se compass nikaala aur directions ko check kiya…..agar usko jaldi hi sarhad tak waapas pahunchna tha to usko poorab (East direction) mein chalna tha…….. usne ek aakhiri baar charo taraf dekha aur poorab disha ki aur badhna shuru kar diya……..

Pehle dheere dheere aur fir tezi ke saath who apne kadam badha raha tha………par saath hi saath yeh bhi dhyaan rakh raha tha ki woh kisi ko dikhaayi na pad jaaye……apni uniform ki wazah se woh aaram se pehchana jaa sakta tha……

ghane jungle mein chalte-chalte ab kareeb 2 ghante ho chuke the…………pyaas ke kaaran uske honth aur gala bilkul sookh chuke they………..aur tabhi jo usko dikhaayi diyaa who maano uske liye jindagi ke saaman tha………..

saamne hi ek pahari nadi (river) beh rahi thi………….woh jaldi-jaldi kadam badhata hua nadi tak pahunch gaya ………….kareeb 10 meter chaudi aur 2-3 feet gehri nadee thi ……….. nadee ke paas akar who usme lagbhag kood hi gaya………2-3 dubki lagane ke baad usne jee bhar kar paani piya aur fir kuchh palo ke liye paani mein hi late gaya…………..

Ab woh apne aap ko fir se fresh mehsoos kar raha tha……….usne apne bag mein se nikaalkar kuchh chocolates khaayi aur pet ki jwaala ko bhi shaant karne ki koshish ki….

Nadee ko paar karke who doosre kinaare par aa gayaa………..aage jo usko dikhaayi diyaa woh ek pahaari ilaaka thaa…….door oonche-oonche pahar dikaayi pad rahe the….unke aage ghane jungle ….aur kahin-kahin ek-do makaan……….jo makaan usko sabse najdeek dikhaayi diya who bhi wahan se takreeban 1-1.5 kilometer door tha………….

Who jaanta tha ki who POK (Pakistan occupied Kashmir) mein hai ………..aur din ki roshini mein who khatre mein rahega…..usne fir shaam hone tak wahi intezar karne ka faisla kiya….aur pedo (trees) ke beech mein chhup kar baith gaya
Ajay ko maloom bhi nahi pada ke kab woh neend mein chala gaya………….pedo ki ghani chaanv aur charo taraf se lag rahi thandi hawa ne use neend ki gode mein pahooncha diya……….


Aankh khulne par ussne time dekha…………..4.00 baje ka time ho raha tha……..ab usko fir se bhookh lag aayi thi aur khud ko chipaane ke liye bhi kisi jagah ka intezam usko karna thaa………………….


Jo ek ghar usko sabse najdeek dikhayi pad raha tha , who uss hi ki taraf chal pada……pahaadi raaste par who 1-1.5 kilometer ki doori tay karne mein bhi usko kareeb 1 ghanta lag gayaa………….


Woh ek chota sa ghar tha……….ghar ke saamne hi ek chota sa khaali maidan aur kareeb 50 meter door ek jhopdee numa tabela…………..ghar ke do taraf ped they aur pedo ke peeche khade hue pahaad…………….ghar ki ek side ka maidaan khaali tha aur udhar se ek pag-dandi kahin door ko jaa rahi thi…………..shaayad us raaste ka istemaal ghar mein rehne waale apne aane-jaane ke liye karte the…………


Ajay jaanta tha ki woh POK area mein hai aur yahi uski ummeed ki ek wajah thi…….woh jaanta tha ke yahan ke waashinde apne aap ko Hindustan ka hi hissa maante the aur shaayad uski madad karein………………………


Ghar aur tabele ke beech mein jo khaali maidaan tha , uske ek side jidhar pahar tha wahin pedo ke aage jhaadiyon ka ek bada sa jhurmut tha………….Ajay dabe panv jhopdi (tabele) ke peeche se hota hua un jhaadiyon ke peeche pahunch gaya aur wahin chhup kar intezar karne laga…………..


Dheere-dheere andhera chaane laga tha…………aur fir Ghar ke 1-2 kamron mein light ON ho gayee…………….par abhi tak Ghar ke andar se kisi bhi Insaan ki soorat Ajay ko dikhaayi nahi padi thee………… Achanak Ghar ke saamne waale hisse mein light On huyee………..aur khidkee ke sheeshe (Window Glass) se andar ka nazaara Ajay ko dikhayee pada………Woh Ghar ki kitchen thi………..jo sabse aage ke hisse mein bani huyee thi….kitchen ke andar ek ladkee kaam kar rahi thi……………door se Ajay ko uski soorat to nahi dikhaayee di par shareer se usne anumaan lagaya ki woh kareeb 30 ek saal ki hogi……………..patlaa shareer……….kaale lambe baal aur shareer par Kashmiri libaas…………………..
Main (Ajay Rathod) kaafi der tak wahin par chip kar baitha raha…………..woh ladki abhi bhi kitchen mein kaam kar rahi thi………… beech-beech mein woh ghar ke andar doosre kamro mein jaati aur fir laut kar waapas kitchen mein aa jaati thi…..



Sooraj ab chhipne laga tha aur aasmaan ka rang laal hone laga tha……….bhookh, dard aur thakaan se mera bura haal tha aur man hi man main dua kar raha tha ki jo bhi log iss ghar mein rehte hain,mujhe yahaan chhipne ki jagah dene ko tayyar ho jaayein…………….



Tabhi Ghar ka darwaaza khula…….aur jo ladki kitchen mein kaam kar rahi thi woh baahar aa gayi….uske haath mein ek baalti (bucket) thi ………woh seedhi saamne bane huey tabele mein pahunch gayee……….5-10 minute baad hi woh waapas aayi , aur ghar ke saamne khade hokar awwaz lagaayi…


” Shaziaa……………Shazia……………”




Aage fir usne kuchh kaha jo meri samajh mein nahi aaya ……………shaayad iss jagah ki local language thi………….



Ab woh ladki theek mere saamne khadi thi……………kareeb 20-25 meter door……..yaha se uska chehraa saaf dikhaayi de raha tha…………ghar ke baahar lage bulb ki roshini uske chehre par pad rahi thi…………Gora rang….kad lagbhag 5’3” ke aaspaas………..chehre par ek ajeeb si kathorta thi………umar koi 30 saal ke aas-paas hogi……..



“Shaziaa……………………….” Usne fir se awaaz lagaayi…………..



Iss baar ghar ka darwaaza khula , ek aur ladki ghar se baahar nikli…………uske haathon mein 2 baaltiyan (buckets) thi…………….




Fir mere saamne se hoti huyee dono tabele mein pahunch gayee………..jitni der mein woh dono tabele tak pahunchi……….maine uss doosri ladki ka bhi muaayana kar liya…….woh pehle waali se umar mein chhoti thi ……….yahi koi 20-22 saal ki…….lambaai uss se 1-2 inch jyaada hi thi………….shareer average tha……….aur chaal mein alharpan saa tha……………..
Yeh shaayad sahi samay tha mere agle action ka…..jahan main chhupa khada tha woh jagah makaan ke left side mein thi ……..uske peeche aur right side mein (makaan ke peeche) ghane ped aur fir kuchh aur peechhe pahar tha……….yaani kisi ke dwaare dekhe jaane ki ummeed bahut kam thi………


Maine makaan ki deewar se mil ka apni right side mein badhna shure kiya……….main jhukta hua aage badh raha tha jisse ki agar koi makaan ke andar ho to mujhe na dekh sake …..saath hi saath main har khidki se andar bhi jhaanka jaa raha tha……….makaan ka poora chakkar kaat kar main fir makaan ke right side main pahunch gaya…….par mujhe andar koi bhi dikhaayi nahi pada…………iska matlab tha ki iss samay un do ladkiyon ke alaava, iss ghar main koi aur nahi tha……yah baat mere faayde ki thi …


Makaan ki right side mein sirf ek hi khidki thi……….uske andar jab maine jhanka tab andar ghupp andhera hi dikhaayi pada……..main dheere-dheere dabe paanv aage badh raha tha…..apna revolver main bag mein se nikaal kar apni kamar par , belt ke andar fansa liya tha …….


Main lagbhar bhaagta hua , par paanv ko daba kar rakhta hua …ghar ke saamne waale khule hisse mein aa gaya………..wahan ek chota sa ped laga hua tha jo makaan aur tabele ke beecho-beech mein tha……….uski aad main khada hokar main un dono ladkiyon ka intezaar karne laga…………


Makaan ke baahar lage hue bulb ki halki roshini poore maidaan par pad rahi thi….


Achanak aahat hui aur fir tabele se ek ladki baahar nikli………yah choti waali ladki thi …shaayad Shaazia naam tha uska…….. usne apne haath mein ek baalti pakdi hui thi ……. Jaise hi who mere paas pahunchi …main ped ki aad se bahar nikal kar uske saamne aa gaya


“Baaji………………….!!!!” woh bahut jor se cheekhi………uske haath mein se baalti chhut gayee…………ek –do pal ke liye usne mujhe dekha….aur fir woh makaan ki taraf bhaagi…………


Main bhi uske peechhe ko lapka………..aage badh kar maine uski kalaai ko pakad liya aur jhatke se apni ore ko kheencha………..woh seedhi mere se aakar takraayi……usne fir se cheeckne ke liye muh khola par tab tak meraa ek haath uske muh par jum chukka tha………..


Ab woh bilkul mere nazdeek thi……uski baanh ko maine peeche ko mode kar uski kamar se lagaya hua tha……..woh cheekh nahi paa rahi thi par khauf ke kaaran uski aankhe fati padi thi……..


Uska chehra mere chehre se kuchh hi inch door tha………..ek ajeeb si masumiyat thi us ski aankhon mein…………un aankhon dekhne par kuchh palo ke liye to main bhool hi gaya ki main kya aur kyon kar raha hoon ……aur jab yaad aaya tab tak der ho chuki thi……..


Dhannnnnnnnn………………mere peeche se mere sar par vaar kiya gaya tha……….jo mere kandhe par bhi pada………….kuchh palo ke liye meri aankhon ke saamne andhera chha gaya aur fir main jameen par gir gaya………girte hi main paltaa aue dekha ki fir mere oopar vaar kiya jar aha hai……..maine bachne ke liye apna baayan pair (left leg) oopar kiya aur agla vaar sedha meri pindli par pada……….wahin jahan pehle se hi chot lagi huyee thi…….yeh vaar mere hosh uddane ke liya kaafi tha aur main apne pair ko pakar kar jameen par dohra ho gaya….
Iss se pehle ki aglaa vaar hota…..mera haath apni kamar par lagi revolver par pahunch gaya……….main revolver nikaali aur lete-lete hi un par taan di ..



“Ruk jaao !!!………………………….ab agar maara to main goli chalaa doonga…” main poori taakat laga kar bola



Aur iska turant asar hua…………..Shaazia uss badi waali ladki ke peechhe dubak si gayee…..aur uss ladki ka haath bhi hawa mein hi ruk gaya………uske haath mein ek mota sa danda tha……………dheere –dheere uska haath neeche ko aa gaya………..



Maine apni poori takat lagayi aur fir se khada ho gaya…………dard ke kaaran main sahi se nahi khada ho paa raha tha par yeh baat main unn par jaahir nahi karna chaahta tha………



“Kya tum logo ko hindi samajh mein aati hai……. “ apni revolver neeche karta hua main kuchh narmi se bola….



Uss badi waali ladki ke chehre par asmanjas ke se bhaav aaye………..



“Batao ,…. Kya aap log hindi samajh lete ho ? “ maine fir apna sawaal dohraya



uska sar sehmati mein hila…………………




“ Good …………………….daro mat , main aap logo ko koi nuksaan nahi pahunchaoonga………………..” maine unn ko samjhaane ki koshish ki




Ab un ke chehre se dar ke bhaav gayab hone lage the………aur us ski jagah ek utsukta si dikhaayi de rahi thi………….Shaazia , jo abhi tak uss doosri ladki ke peeche chhupi huyee thi …………..thoda sa baahar nikal kar aa gayi thi aur uss ke kandhe ko pakde hue meri ore dekh rahi thi..



“ Mera naam Ajay hai ……mera plane kal raat wahan….. “ maine uss ko poori baat samjhaane ki koshish ki




“ Tumhaare paanv se khoon nikal raha hai…………. “ meri baat beech mein hi kaatkar Shaazia boli aur fir uss doosri ladki ki taraf dekha……………..



maine bhi ab gaur kiya ki meri chot mein se lagataar khoon beh raha tha aur jameen par girtaa jaa raha tha…………



“ Shaziaa ………………………… #%#$$%%^^^&^&&…… “ uss badi ladki ne shaziaa se kuchh kaha jo meri samajh mein nahi aaya aur woh tezi ke saath makaan ke andar chali gayee…..
agle kuchh seconds humaare beech khamoshi si chhaayi rahi………………. Fir uss ladki ne hi baat shuru ki…..



“ Kya tum Hindustani ho …..? “ jaise kahin gehraai mein se koi awaaz aayi ho……



“ Haan “



“Fauzi ho ? “ usne fir poochaa



“ Haan………………..Indian Air force mein hoon “ maine jawaab diya




Uske chehre par ek sawaal sa ubhraa …………….. jaise meri baat samajh mein nahi aayi ho ………….



Tab tak Shaazia makaan se baahar aa gayi thi ……………uss ke haath mein ek dabba tha , hardboard ka bana hua puraana sa dabaa….



“ Main hawaai jahaj udaata hoon ………………….Hindustani fauz ke “ maine unn ko samjhaane ki koshish ki




“Aao chalo, Ghar ke andar aa jao “ Uss badi ladki ne Shaazia ki ore sawaaliya nigaaho se dekhte hue mujhse kaha…



Shaazai ka sar bhi sehmati mein hila aur fir hum teeno ghar ke andar aa gaye
Unka ghar kaafi saaf suthra tha…………….Jaise aam taur par pahaadi illako mein hote hain , lakdi aur concrete se bana hua………….ek varande se hote hue woh dono mujhe ghar ke daayein (right) kisse mein bane ek kamre mein le gayi……….


Kamre mein ghuste hi dard ki wajah se mere kadam fir se ladkhada gaye aur sahaare ke liye maine Shaazia ke kandhe ko thaam liya………iss buri haalat mein bhi maano mere poore shareer mein ek current sa daud gaya


Tabhi uss badi waali ladki ne mere haath ko pakad kar mujhe sahaara diya aur Shaazia se kuchh kaha……………Shaazia fir wahan se baahar chali gayi……Uss ladki ne mujhe sahara dete hue ek lakdi ki kursi par baitha diya………woh ek lambi si aaram-kursi thi jis par main late sa gaya……..


Woh mere saamne jameen par baith gayee aur mujhe dekhte hue fir se baat shuru ki…



“Kya chaahte ho tum hum logo se…….” usne hindi mein hi sawaal kiya tha par lehja kashmiri tha….



“Sabse pehle to chhipne ke liye jagah aur kuchh khaane ke liya ………….” Maine aankhen band kiye-kiye hi jawaab diya



“Kab tak chhipna chaahte ho …….. ?”



“maloom nahi…………woh log mujhe dhoondh rahe honge aur mujhe jald se jald sarhad ke paar waapas pahunchna hai…..” iss baar maine uske chehre ko dekhte hue kaha


“ Woh log kaun ? Pakistani fauz ?” woh mere pairo ki taraf nigaah karke boli…



“Haan ..”



Kuchh der khamoshi rahi aur fir ek lambi saans lekar woh fir boli “ Theek hai ………hum tumhe chhipne ki jagah denge , par iss ghar mein nahi …..saath hi tumhe vaada karna hoga ki tum hum logo ko koi nuksaan nahi pahunchaoge …..”


“ Mujh par yakeen kijiye ………..main koi bhi harkat aisi nahi karoonga jis se aapko koi pareshaani ho ………..” ab ki baar maine uske chehre ko gaur se dekhte hue kaha…


Achaanak woh uthi aur kamre se baahar nikal gayi


Kuchh hi seconds baad dono ladkiyan ek saath waapas aayi……….Shaazia ke haath mein ek bartan tha jis mein se bhaap nikal rahi thi ………….dono mere saamne jameen par baith gayi …………..fir badi ladki ne hi baat shuru ki….


“ Mera naam Hina hai aur yeh meri choti behan Shaazia hai………..Hum dono yahan iss ghar mein akeli rehti hain ………..” Usne kaha aur mere baayein (left) pair ko utha kar ek lakdi ke chote se stool par rakh diya……..meri pant ke paunche ko usne dheere se oopar kiya ……….. mere ghav ko dekhte hi uske chehre par dard ka sa bhaav aa gaya……..chot se abhi bhi khun ris raha tha ………usne ek kapde ko bartan mein daala aur fir dheere se meri chot par rakh diya…………


Dard ki ek lahar mere saare shareer mein daud gayi…………kuchh der tak rukne ke baad usne dheere-dheere kapde se ghav ko saaf karna shuru kar diya……..fir usne ek choti si sheeshi ko dabbe mein se nikala aur khol kar dheere se mere ghav ke oopar ulta kar diya………..sheeshi mein se liquid ki kuchh boonde ghaav ke oopar giri aur fir se ek jalan ka ehsaas mujhe hua………maine kuch palo ke liye apni aankhen band kar li aur jab dobara kholi to dekha ki ab woh ghav par patti bandh rahi hai…..


Maine pehli baar un dono ke chehro ko gaur se dekha, Hina ke chehre par ek ajeeb si kathorta aur rukhapan tha par iss samay uski aankhon mein mujhe daya ke bhaav nazar aa rahe the…………..wahi Shaazia ke chehre par ek komalta aur masumiyat si thi …………Hina ki aankhen aur baal kale the jabki Shaazia ki aankhen gehri neeli aur baal halke sunehre the…………dono behno ka rang gora tha aur shareer charhara.


Acahanak Shaazia ne …….jo abhi tak apni behan ko dekh rahi thi meri taraf dekha aur ek pyari si muskaan se maano mujhe tasalli dene ki koshish ki………yakeen maniye uss ki ek muskaan ne mere aadhe dard ko gaayab kar diya tha

 
Return to Top indiansexstories