Tehkhana - The Mystery Chudai

[Deepika]

"Are uth yar, kab tak sota rahega"
"abe ja yar, sone de, waise hi raat ko 2baje soye the"
"tu uthta hai ki nahi"
"le uth gaya, mujhe pata hai tu sone nahi dega"
ye mera dost amit tha.
hum dono scientist hain aur isi ke saath main crime branch main ACP bhi hoon.
ye to mera shouq tha science ka, aur kuch mere dost amit ki wajah ke aaj main scientist aur ACP dono tha.
mere kahne par hi mera dost amit mera assistant ban gaya tha.
main koi 28 saal ka tha. amit bhi itna hi hoga.
gora rang, 6ft height thi meri.
amit bhi gora tha lekin height 5.7 thi uski. Amit bolta bhi bahot tha. Bilkul non-stop.
hum dono ka hi duniya main koi nahi tha.
humari dosti college se hi chalti aa rahi thi.
dono hostel main ek hi room main rahte the. ek hi class main the.
bahut jald hum gahre dost ban gaye the.
ek baar achanak earthquake ke aa jaane se hum dono ki families khatam ho chuki thi.
maa-baap, bhai bahen sab bhukamp ka shikar ho gaye the.
picchle 10saal se hum dono saath the.
college ke baad main exam main baitha aur pass hokar ACP ban gaya.
maine usse bahot kaha par wo nahi batha.
baad main mere kahne par wo mera assistant ban gaya.
aaj main ek scientist tha to sirf uski wajah se.
dono kaam karne hum dono ko hi bahot bhari padhte the.
lekin shouq tha.
khaali time lab main bitate the.
aur waise bhi ye shahar hum jahan rahte the bahot hara-bhara tha. aur yahan cases bhi bahot kam hote the.
....................
Achanak kisi ke kandhe par haath rakhne se main khayalo se bahar aaya to dekha amit tha.
"yar jay, saale tu kitna sochta hai"
haan mera naam jay hai.
"kuch nahi yar, chal aa ground main chalte hain"
amit, "yar wo chemical jo hum raat ko bana rahe the tune kuch socha uss baare main"
main, "kahan socha yaar, time mile to na"
isi ke saath hum uthe aur bunglow se bahar lawn main aagaye.
Jahan tak nazar jaa rahi thi, wahan tak haryali dikh rahi thi. Door ek-aat bunglow dikh rahe the. Halka-halka din nikal chuka tha. Drishye bahot suhawna tha.
Humaare bodyguards bhi jaag chuke the.
Hum exercise karne lage.
Phir socha jo raat main solution banane ki koshish kar rahe the, use poora karlein.
Isi tarah 9baj gaye, aur hum office ke liye nikal liye.
Aage gaadi main hum the, aur picche bodyguards.
Office pahunch kar main seedha apne cabin main pahuncha, picche-picche amit bhi aa gaya.
Amit mere seat ke barabar main hi baithta tha, waise use baithna to table ke right side chahiye tha par dost tha iss wajah se. Mere picche orders bhi wohi deta tha.
Amit, "jay yaar kahi ghoomne chalte hain"
main, "chup kar saale wo solution ka kya hoga phir"
amit, "saale solution hi hai, jaha jayenge waha dekh lenge"
tabhi ek officer andar aaya, uske haath main letter tha.
Officer, "sir, ministry se ye aaya hai"
usne letter mujhe dete hue kaha.
Main, "kya hai ye?"
officer, "pata nahi sir"
main, "theek hai tum jao".
Amit, "khol jaldi khol"
main, "abe khol raha hoon sabr rakh zara".

[Deepika]

Mera letter kholna tha ke amit mera kandhe par chadh gaya.
Maine letter padhna shru kiya,
dear,
mr.jay aaj tak aapne jitne bhi case handle kiye hain,
aapne sabko bakhubhi solve kiya hai.
Ye baat bhi kisi se chhupi nahi hai ke aapka science main kaafi interest hai aur aap scientist hain.
Hum aapko Maaya Nagri bhejna chahte hain.
Kyunki, wahan ke kuch cases wahan ke commissioner se solve nahi hue hain.
Unka operation bhi hai, jiski wajah se wo 6 mahine ki chhutti par jayenge.
Isliye, aap wahan ke commissioner-in-charge bhi rahenge.
Wo cases aise hain jo sarkar aur janta dono ke liye bahut bada khatra hain.
Smuggling ek ahem case hai.
Mujhe umeed hai aap waha jaana pasand karenge, kyunki wahan ke karishmo ke baare main to aapne suna hi hoga. Aur ye ek scientist ke liye research ki bhi acchi jagah hai,
aur ek officer ke liye ahem zimmedari.
Regards,
...............
..............
Amit, "abe kya bolta hai chal yar"
maine letter table par rakha aur sochne laga.
Amit, "abe soch mat yar, yahi to mouka hai kuch karneka,
aur maine suna hai ki wahan ki ladkiya wahan ke mahoul ki tarah khoobsurat hoti hain.
Upar se yar sarkari kharcha,
aur commissioner ki post,
soch mat saale accept karle"
amit kuch zyada hi excite ho raha tha wahan jaane ke liye.
Maine uski taraf dekha aur muskurakar,
letter par sign. Kar diye.
Amit to aise uchla jaise baccha ho.
Aur mujh se gale lag gaya.
Main, "saale kya kar raha hai, picche hat koi dhekh lega to kya samjhega"
amit, "ki tu..."
main, "chup kar saale"
iske baad officer ko bula kar wo letter bhijwa diya.
Main, "chal yar bahar chalte hain"
amit, "haan yar aaja mousam bhi badiya ho raha hai"
bahar aakar hum tahelne lage. Dur-door tak ground tha.
Jagah-jagah police waale, special force, black cat commandos pahra de rahe the.
Amit, "tujhe kya lagta hai us jagah ka naam MAYANAGRI kyun hai"
main, "wahan ki khoobsoorti ki wajah se. Aur shayad wo ladkiyo ki wajah se"
amit, "to yar sundernagri badiya naam rahta, ye kya ghanta mayanagri hai"
main, "are ab wahan chal to rahe hain, pata chal jayega sub"
isi tarah hum tahelte rahe.
Koi 2ghante baad 2officers aaye,
us waqt main amit ke saath apne cabin mein tha.
Officer, "sir, aapke tickets,aur baaki documents"
amit ne uchal kar le liye.
Maine sign. Kar diye aur jo wapas dena tha accept waala letter wo de diya.
Sham 5 baje ki train thi hamari mayanagri ke liye.
Hum fouran bunglow ke liye nikal liye.
Koi 1baj raha tha jab hum bunglow par pahunche.
Pahuncte hi lunch kiya.
Phir zaroori saaman pack karne lage.
Amit, "oye yar jay, lab ka samaan nahi le rahe, bus thoda zaroori saaman le lete hain. Baaki wahi mil jayega"
main, "haan theek hai"
main zaroori saaman aur kapde pack kar raha tha.
3baje hum faarig hue.
Bunglow se niche utre to dekha guards bhi tayyar the.
Aur poora staff aaya tha hume chhorne ke liye.
Koyi 20gaadiyaan station pahunchi.
Jab hum station pahunche to train tayyar thi.
Sab hume aise vidaai de rahe the jaise hum lanka jalane ja rahe hon.
Ya jaan hatheli par rakhkar dushman ke ilaake main border par karne ja rahe hon.
Guards aur hamari sahoolat ko dekhte hue poora coach book tha.
Aakhir 5 baje train chali.
Train chalne ke baad amit bola,
amit, "yar ye log aise vidai kyun de rahe the"
main, "pata nahi yar.mujhe bhi thoda ajeeb laga tha.aise laga jaise keh rahe hon bhai sambhal kar rahna.
Mayanagri ke maayajaal se"
amit, "chal chhod yar aaja solution ke baare main sochte hain"
main, "haan tune wo chemical rakh liye the kya"
amit, "haan, magar pahle structure dekh le"
Train raftaar pakad chuki thi.
Aur hum nikal chuke the zindagi ke ek naye safar par.
Mayanagri ke safar par.
Wahan kya hoga koun jaane......."

[Deepika]

Subah 6baje meri aankh khuli, to dekha ek-aat guard jaag rahe the.
Maine sab ko uthaya. Kyunki train ka mayanagri pahunchne ka time 7baje ka tha.
6.30 baje tak sab tayyar the aur hum sab chai pee rahe the.
Theek 7baje train MAYANAGRI pahunchi.
Station par commissioner apne staff ke saath khade the.
Utarte hi gale laga liya mujhe aur amit dono ko aur bahut garam joshi dikhayi commissioner sahab ne.
Station se bahar aate hi mayanagri ki khoobsoorati dekhne layak thi.
Amit to usme kho hi gaya tha. Bilkul tukur-tukur bina palke jhapkaaye dekh raha tha.
Amit kya guards ka bhi yahi haal tha.
Door-door tak pahadon ki waadiyan, halki-halki thand,
ghumavdaar sadkein,
jagah-jagah ped poora haryali se full-fill,
logon ke bade-bade bungle station se hi dikh rahe the,
upar-neeche utarti chadhti sadkein,
manmoh lene waali shanti,
naye tarah ke pakshi,
samundra-tat se aati lehron ki aawaz,
bilkul manmoh lene waala nazara tha bahut aakarshak.
Station unchai par tha aur wahan se door-door tak ka nazara dikh raha tha.
Halki-halki dhund.
Mujhe pata tha ke yahan halki-halki thand rahti hai, isliye humne jackets pahan li thi.
Par wo bhi utarni padi kyun ke thand itni zyada nahi lagi thi ke jackets pahni jaaye.
Halki-halki hawayein chal rahi thi.
Aakhir commissioner sahab ne hum sabki tandra todi.
Comm., "kyun bacchon kaisi lagi mayanagri"
amit tapak se bol pada,
amit, "sir, bahut khoob lagi. Maza aagaya yahan aakar to"
main, "haan sir jagah to badiya hai"
comm., "tabhi to iska naam mayanagri hai"
hum log car mein baith gaye aur chal diye office ki taraf.
Yahan pahad dekh kar mujhe ye khayal aaya ke pahad hai to gufayein bhi zaroor hongi.
Isliye maine comm. Sahab se poocha,
main, "sir, yahan pahad hain to gufayein bhi zaroor hongi"
comm., "haan, beta. Lekin, yahan sirf ek hi ghufa hai aur logon ka manna hai ki wahan saaya hai, wahan se aawazein aati hain,
baaki pahad main gufayein nahi hain kyunki pahad jagah-jagah se band hai"
main hanste hue,
"sir, saaya. Aap kabhi gaye hain wahan.
Ye saaya to bacchon waali baat hogayi"
comm. Sahab thoda serious hote hue bole,
"beta main ya meri team ka koi aadmi wahan nahi gaya. Sab darte hain wahan jaane se. Ek to waise hi is jagah ka naam mayanagri hai aur ye baaki area's se bilkul alag hatke hai"
isi tarah ki aupchaarik baatein karte hue hum office pahunche.
Sham 5baje comm. Sahab ki train thi.
Isliye 3baje tak humein unke saath rahna tha aur mayanagri ka charge lena tha,
phir unhe station chhodne bhi jaana tha.
Humlog office main baithe hue the aur commissioner sahab humein poori detail samjha rahe the.
4 cases aise the jo unse solve nahi hue the,
aur ye cases sarkar aur janta dono ke liye bada mudda the.
Mujhse pahle 2commissioners ne inhe solve karne ki koshish ki thi,
jinme se 1 ka murder ho gaya tha,
ek area chhod kar bhaag gaya tha.
Ye chaar cases the-
1. Smuggling,
2. Rape,
3. Raat ko bandargah par ek jahaz ka aana, ek ajeeb se jahaz ka aana,
4. Khoobsurat aadmiyon ka lapata hona.
Ye cases aaj tak solve nahi ho paaye the.
Aur jisne bhi unhe solve karne ki koshish ki thi wo bechara duniya chhod kar chala gaya tha.
Isi tarah comm. Sahab humein 2 baje tak detail samjhate rahe.
Aur aakhir main unhone kaha,
"dekho, beta Raja Sen, ye ek aise aadmi ka naam hai jo hamare liye bahut bada roda hai.
Iss poora ilaake main mujh se zyada uski chalti hai.
Yahi sabse badi wajah hai jo aaj tak hum ye cases solve nahi kar paaye.
Aur sabse badi baat to ye hai ki isko hum kuch kah nahi sakte.
Jisne bhi aaj tak kahne ya use rokne ki koshish ki wo duniya se chala gaya.
Iski 2 betiyaan hain ek to mumbai main rahti hai,
dusri yahin iske saath rahti hai.
Iski betiyon ke baare main hamare pass koyi khaas jaankari nahi hai.
Bus ye samajh lo ki ye raja sen yahan ka raja hi hai.
Aur iska raaj koyi imandaar, khadak, aur atal aadmi hi khatam kar sakta hai.
Mujhe tumhare andar wo sab baatein dikhi,
isliye ministry se request karke tumhe yahan bulaya hai.
Mera operation hai jiski wajah se main kam se kam 6 mahine bahar rahunga,
aur mujhe umeed hai ki tum sab sambhal loge, tumhare assistant cum dost ka naam bhi bahot suna hai"
iske baad humne lunch kiya,
aur phir time ka pata hi nahi chala.
5 baje comm. Sahab ko station se vida karne ke baad 9 humein office main baj gaye.
Bunglow par pahunche to dekha ke bunglow ko bhi khoobsurat karke banaya gaya tha.
Security ke hisaab se bhi perfect tha.
Amit jaate hi so gaya,
aur main bistar par lete-lete sochne laga apne past ke baare main,
kuch purani yaadein jo meri zindagi ka aham hissa thi.

[Deepika]

Mujhe pata hi nahi chala ke kab main apne past main kho gaya.
Mera past meri aankhon ke saamne film ki tarah ghoomne laga.
Wo din jub hum, main aur amit college ke liye jaa rahe the,
ke achanak khabar aayi ke tumhaare gaon waale area main bhukamp aa gaya hai.
Hum dono fouran nikal pade gaon ke liye.
Bikes ko 100 ki speed se dorate hue.
Gaon koi 100 kilometre door tha.
Hum paaglon ki tarah gaon ki taraf jaa rahe the.
Gaon pahunche to dekha saara gaon ujad chuka hai.
Meri aur amit ki family ek doosre ke barabar main rahti thi.
Dono ghar deh chuke the. Sirf bachi thi to ghar waalon ki laashein. Aur unke bhi kuch-kuch hisse.
Poore gaon main matam sa chaa gaya tha.
9 laashon ka antim sanskaar sirf hum 2 logon ne kiya tha.
Hum dono akele rah gaye the duniya main.
Hamare parents ki jitni bhi property thi, humne daan kardi thi.
Us gaon se rishte nahi rakhna chahte the hum.
Ye baat final year ki hai. Mera dhyan to padhai se hat sa gaya tha.
Lekin amit ne mujhe dhandhas bandhaya tha. Bahut support di thi usne mujhe.
Us waqt humne waada kiya tha ke zindagi bhar saath rahenge. Aur shaadi nahi karenge.
Aur agar karenge to ek hi mandap mein, ek hi time par dono karenge.
Saara jeevan desh seva main samarpit kardenge.
Final year pass karne ke baad, amit chahta tha ke hum dono saath aage badhein aur saath scientist banein.
Lekin, maine uski baat nahi maani aur competition main baith gaya.
Maine usse bhi kaha, lekin wo nahi baitha.
Main pass hogaya aur ACP ban gaya.
Meri posting kahi aur hogayi. To mere kahne par wo mera assistant ban gaya.
Poora staff janta tha ke baat chahe amit kahe ya main baat ek hi thi.
Kyunki, main kabhi uski baat taalta nahi tha, na use mana karta tha, na wo hi meri baat talta aur na hi mana karta.
Wo apne research main laga raha.
Jaha bhi wo kuch represent karta to wo hum dono ke naam se karta,
aur mujhe free ki wah-wahi mil jaati thi.
Bus jab uski research poori ho jaati to mujhe sab bata deta ke kaise usne kya kiya.
Ek baar maine use mana bhi kiya to kahne laga,
"dekh yar mera sapna hai ke hum dono scientist bane.
Mein tere kahne se tera assistant ban gaya to tu bhi scientist banega, samjha. Ab jaisa kahta hoon waisa kar".
Humein asal kamyaabi jab mili jab usne ek aisi machine banayi jo kahin bhi rakhne se ye bata sakti hai ke is diwar ya zameen main 1 metre neeche kya hai aur wahan ke x-ray le sakti thi.
Ye machine poora 1 sq. Mt. Ka area cover kar sakti thi.
Uski iss research main maine uska bilkul saath nahi diya tha,
kyunki main ek case main busy tha.
Machine poori karne ke baad usne raat main mujhe sab bataya ke kaise usne kya kiya.
Meri liye samajhna koi badi baat nahi thi, kyunki main bhi science ka student raha tha.
Raat main hi samajh gaya tha.
Subah usne use sabko dikhaya,
aur hum dono ka hi naam diya ke ye hum dono ke athak paryason ka phal hai.
Yahi se humein asli kamyaabi mili thi.
Mere dil par bahot chot lagi thi uswaqt.
Tab maine nirne kar liya tha, ki aage se jo bhi research ya invention karenge saath karenge.
Main time nikal kar uska saath dene laga.
Phir main yahan aagaya tha rajiv nagar,
aur yahan to time hi time tha mere pass.
Phir main office main kam aur lab main zyada hota tha.
Hum dono bhai se badh kar the ek doosre ke liye.
Achanak mujhe ayesha yaad aayi,
wo ladki jo mujhe behad chahti thi.
Aur meri aankh se aansu chhalak aaye.
Shru main maine use ignore kiya tha.
Par baad main, mein bhi usse pyar karne laga tha.
Amit ke kahne par jab use propose karne gaya to,
pata chala wo college chhod kar chali gayi thi.
Uska baap aur badi bahen use le gaye the.
Bahut dukh hua tha mujhe. Kyunki, mera pahla pyar thi wo.
Zindagi main pahli baar maine kisi se pyar kiya tha.
Kyunki, jab main 3 saal ka tha meri maa mujhe chhod gayi,
sauteli maa ne kabhi apna nahi samjha,
baap ko bhi peene ki aadat thi aur unki vichaar dhaara mujhse milti nahi thi,
isliye unse bhi kabhi ban nahi paayi.
Ayesha ko maine pahli baar 2nd year main dekha tha.
Aur tabhi se dil main kahin na kahin uske liye mohabbat jaag uthi thi.
Aaj barso baad mujhe wo yaad aayi thi.
usko sochte hue aur apni nayi zindagi ko jo kal se shru hone waali thi,
ko sochte hue mujhe kab nind aagayi pata hi nahi chala.
Kal se ek nayi zindagi ki shruat thi mere liye.
Ab mayanagri meri thi, main wahan ka commissioner tha.
aur mujhe saare cases solve karne the.

[Deepika]

Subah meri aankh 7baje khuli. To dekha ke amit munh-haath dho raha tha.
Thodi der main hum naha dho kar tayyar ho gaye.
Aaj hamare liye ek nayi subah thi, ek alag subah. Aaj hamari mayanagri ki pahli subah thi.
Mayanagri ki khoobsoorati bhi dekhte hi banti thi. Halki-halki dhund main chalti hawayein, pahadon ki khoobsurat waadiyan, samundra tat pass tha to lehron ki aawazein, kul milakar bahut khoobsurat thi mayanagri.
9 baje tak hum office pahunche. Main ne aur amit ne thodi der discussion kiya aur yeh faisla kar liya ki poora staff, poora department hi badal dena chahiye.
Sirf 7officers jo commissioner sahab ke hisab se nihayat sharif aur imandaar the.
Sirf unko chhod kar ek-ek constable se lekar ek-ek ranked officers tak ka transfer karke unhe doosre shahar bhej diya gaya.
Aur unki jagah kisi doosre shaher ke logo ki posting ki gayi.
In sub main humein shaam ho gayi thi.
Aur bhi bahot change kiye department main.
Kul milakar shaam ko koi bhi ye nahi kah sakta tha, ke ye kal waala department hai. Poore department ki roop-rekha badal di gayi thi.
Is sub main humein kaafi mahnat karni padi thi.
Iske baad shaam ko poore department se ground main meeting ki, aur maine ek acchi khasi speech dekar,
sabko samjha diya tha ke kisi se darne ki zaroorat nahi hai. Jo zara si bhi cheeting karega, ya orders nahi maanega, uska bahut bura haal kiye jaaye. Koi 1 ghante maine speech di. Uske baad 20min amit bola.
Shaam tak department ko ek naya roop mil gaya tha. Sab unsolved cases ko ek naye sire se shru kiya,
aur un chaaron cases ko maine khud solve karne ka faisla kiya.
Main khush tha kyunki jaisa-jaisa maine chaha tha waise hua tha.
Raat ko thakaan ke karan pata hi nahi chala ke kab neend aagayi.
Subah 4 baje mujhe amit ne jagaya,
main, "abe kya hai, kyun pareshan kar raha hai"
amit, "uth saale dekh mousam kitna badiya ho raha hai, chal terrace par chalte hain"
main, "abe sone de yar"
amit, "tu uthta hai ki nahi"
mujhe pata tha jab tak main nahi uthunga ye maanega nahi,
main, "le saale uth gaya"
thodi der main munh-haat dho kar ham chhat par the, aur coffee hamare haath main thi.
Wakai main mayanagri ka roop dekhte hi bun raha tha.
Tabhi door humein ek vishalkaaye haweli type bunglow nazar aaya, uska top floor aur gumbad dikh raha tha. Door se dekhne se hi pata chalta tha ke ye dekhne main khoobsurat hai.
Hum pahli baar chhat par chadhe the, matlab is bungle main iski chhat par pahli baar chadhe the, to ek-ek cheez ko gour se dekh rahe the, hawayein chal rahi thi jo mousam ko aur bahtarin bana rahi thi.
Ki ekdum mujhe yaad aaya,
main, "amit yar wo jo aadhi rah gayi thi reserch use poora kar lete hain"
phir amit aur main lab main pahunch gaye, aur lage experiment karne. Aakhir 4ghante ke athak prayason ke baad humne wo solution bana hi liya.
Hum pahle hi uske karib pahunch chuke the, lekin kuch cheez thi jo solution main fit nahi baith rahi thi.
Lekin, aakhir kar hum safal ho gaye aur ab iska experiment practically karna tha. Apni iss research ke baare main humne abhi tak kisi ko nahi bataya tha.
Ye chemical solution jo humne banaya tha wo tha-
use ek special type ki machine bullets jo humne pahle bana li thi main bhar kar agar kisi gun se wo bullet chale to wo jub kahin jaakar lage ya gire to wo chemical us mechine bullets se gas ke roop main nikalta tha jo aaspass ke logon ko bihost karne ke liye kaafi tha.
Iska tod humne kuch chhoti goliya banayi thi. jo abhi inhi chaar ghante main banayi thi. Goliya banana zyada mushkila kaam nahi tha, mushkil kaam to solution banana tha.

[Deepika]

Iske baad humne ise apne ek guard par prayog kara, tab iska itna powerful asar dekh kar hum ucchal gaye, amit aur main bahut khush the.
Phir humne ek goli guard ke munh main daali aur wo uth baitha.
Ab humein office bhi jaana tha, to hum fatafat naha dhokar tayyar ho gaye.
Office pahunche to waha ka naya look dekh kar dil khush ho gaya.
------------------
Iss waqt main aur amit apni team aur guards ke saath ek pahadi par the. Yahan main kuch khufiya camere aur kuch khufiya yantra lagwa raha tha.
Ke saamne pahadi se waapas aati hui ek BMW gaadi mere saamne se thodi door par aakar ruki.
Usme se 65-70 saal ka ek buddha nikla, picche uske do guards gun leke uske saath the.
Wo meri taraf badhne laga meri poori team aur guard satark ho gaye, subne apni-apni guns uski taraf taan di ye dekh kar buddha ruk gaya aur ghabra gaya.
Mere haath ke ishaare par sabne apni guns neeche karli to buddha aage badhne laga.
"hello, mr.jay, how are you?"
usne meri taraf haath badate hue kaha.
Main, "aapki taarif?"
buddha hanste hue, "main sen, raja sen yaha ka raja"
amit, "o uncle ye 1947 nahi hai"
buddha use ghoorne laga, to amit bhi use ghoorne laga.
Main, "mr.sen ab aap apni rajagiri bhool jaiye, jo karni thi wo karli. Ab aapka waqt khatam aur hamara shru"
sen hanste hue, "bahot bahadur lagte ho, aajtak humse kisine aise baat nahi kari"
main, "mr.sen zindagi main kuch cheezein pahli baar hoti hain"
sen, "barkhurdaar, bahot gusse waale lag rahe ho, chalo aaj shaam hamari haweli par aao, aaj tumhari dawat hai, bole aaoge na?"
main, "zaroor-zaroor mr.sen. Waise ye kahan se aa rahe the aap"
sen, "wo maatha ke mandir se, upar pahad par hai, bahot purana hai"
main, "theek hai to phir aapse shaam main milte hain, zara maata sa bhi mil lein"
iske baad wo mujhse haath milakar chaldiye, ke peeche se ek aur BMW kaale sheesho ki aayi.
Ye gaadi pahad ki taraf jaa rahi thi jabki mr.sen aa rahe the.
Iske baad main apni team aur guards ko wapas bhej diya, aur akela amit ke saath mandir ki taraf chal diya.
Upar mandir ke pass pahonch kar maine apni gaadi side main park kari. Aur mandi me ki taraf chal diye.
Mandir kaafi purana tha, aur zyadatar isme laal mitti ka prayog kara gaya tha. Saamne laal mitthi se hi bani hui thi, kaali maata ki pratima. Main aur amit abhi ye sub dekh hi rahe the, ke peeche wohi kaale sheesho waali BMW aakar ruki.
Hum mandir se bahar aa chuke the aur apni car ki taraf badh rahe the kyunki mujhe apna camera lena tha.
Jaise hi maine apna camera nikala aur picche muda to dekha ke BMW ka gate khula aur usmain se do yuvtiyaan ya larkiyan nikli.
Ek ne saari pahan rakhi thi aur make-up kar rakha tha. Wo dekhne main kaafi attractive lag rahi thi, khule hue baal, bade breasts,khula hua pet, pardarshi light green colour ki saadi main uska kaafi hissa dikh raha tha. Kul milakar wo koi apsara lag rahi thi. Maine uspar ek nazar daali aur nazrein nichi karli.
Phir nazar jo doosri ladki par padi to mujhe aisa laga jaisa saara jahan ruk gaya ho, ekdam se tez hawayein chalne lagi, wo apne udte hue baal jo uske chahre par aagaye the theek karne lagi, bina make-up ke bilkul saade libas main, light blue colour ki kameez-shalwaar main, dupatta saleeke se dhake hue, maathe par bindiya lagaye hue wo apsaraon ki rajkumari lag rahi thi. Badi-badi aankhein, gora rang, lambi naak, gulabi honth, main to use dekhta hi rah gaya. Aisa laga usne maathe ki bindiya isliye laga rakhi ho ke wo pahle se hi kisi ke liye hai.
Main to use dekhne main kho sa gaya tha, ke amit ne mere par par apna joota zor se maara aur mera dhyan toota, maine ek nazar amit ki taraf dekha aur apna sar car ke upar rakh kar, car par takkar maarne laga.
"amit yar ab mujhse kaam nahi hone waala yar, ab tak to kaam main apne dil se kar raha tha, lekin mera dil ab mere pass nahi raha, yar"
amit ne dhire se mere haath par ghoonsa maara, jaisa hi main peeche muda to wo dono ladkiyan mujhse 1meter ki doori par khadi ho gayi thi. Mujhe pata hi nahi chala ke kab wo hamare pass aakar khadi ho gayi, aur shayad unhone meri baatein bhi sun li thi.
Jab maine pahli ladki ki taraf dekha to wo mujhe muskura kar dekh rahi thi. Aur jab doosri ladki ki taraf dekha to wo bilkul ajeeb se bhav se mujhe dekh rahi thi. Ek avishwass bhav se, mujhe aisa laga jaise uski sooni padi aankhon main roshi aa gayi ho.
Ye ladki Ayesha thi. Mera pahla aur aakhri pyar. Usmein koi badlav nahi aaya tha, wo wohi pahle waali ayesha thi.
Badal to main gaya tha. Main iss waqt coat-pant main tha, jo main aksar pahna karta tha, black colour ke coat-pant main white colour shirt, aankhon par chashma lagaye, maine apna chashma hatate hue aur use coal ke ander lagate hue kaha,
"ji..........."
saadi waali ladki, muskurate hue "ji main mr.sen ki badi ladki Anjali"
jab maine aayesha ki taraf parshan-waachak nazron se dekha to anjali boli, "ye meri chhoti bahan Ayesha"
mujhe samajh nahi aa raha tha ke hansu ya roun, meri aankhon main ayesha ke liye bepanah mohabbat dekhi jaa sakti thi, jo shayad ayesha ne dekh li thi.
Main chashma wapas lagate hue kaha, "to kuch kaam tha kya aapko"
shayad mera ye seedha sawal anjali ko bura laga tha, "wo dadi kah rahe the ke aap bahot akad waale hain, aur gussa bahot dikhate hain, to hamne socha ke aapko bata dein ki aapki akad aur gussa aap apne pass rakhe to aapke liye accha rahega, kyunki aap hamare dad ko shayad nahi jaante"
main hanste hue kaha, "dekhiye miss anjali ji, jahan tak akad ki baat hai to wo to mere pass hai nahi, lekin gusse ki khaan hai to use kahan tak roku, aur rahi aapke dad ko janne aur unke gusse ki baat to shayad aap mujhe nahi jaanti"
anjali, "bahot bharosa hai apne par, jungle main aakar sher se dushmani"
main, "gussa bhi hai, bharosa bhi hai, himmat bhi hai, takat bhi hai aur jahan tak jungle ki baat hai to aapki knowledge ke liye bata den ki jungle main sher se zyada shikari hote hain, aapki dad ki akad poori dikh rahi hai aapme."
aur iske saath main mandir ki taraf badhne laga to picche se anjali ki aawaz aayi,
"bhagwan ko bohot maante hain aap, jo inke darshan ke liye chale aaye"
main, "bhagwan ko to humne aajtak maana nahi, kyunki hum khudhi 'KAMEENO KE BHAGWAAN' hain aur jahan tak darshan ki baat hai to hum to photo lene aaye the inke."
yeh kah kar hum mandir main aagaye aur picche-pichhe wo dono bhi.

[Deepika]

Mandir mein pahunchkar maine aur amit ne kuch photos liye.
Anjali ka dhyan kahi aur tha, ke uska phone bajne laga. Usne phone dekha aur maathe par rekhayein simat aayi, aur wo mandir se bahar jakar baat karne lagi. Amit apna camera lekar uske peeche-peeche ho liya.
Ab mera dhyan ayesha ki taraf gaya to dekha, wo haath jod kar khaadi hai aur prathna kar rahi hai, main is waqt pratima ke barabar main khada tha, kuch photos lene ki wajah se main wahan khada hua tha, jab photos le chuka to saamne jo nazar padi, to dekha ki ayesha haath jod kar prathna main leen hai. Aur main usme khota chala gaya, uska maasoom chahra, band aankhein, wo maasomiyat is waqt kehar dha rahi thi.
Mujhe pata hi na chala ke kab uski prathna poori ho gayi, aur wo mujhe dekhne lagi, hum dono ke beech koi 1 metre ka faasla hoga.
"aise kya dekh rahe ho, bhool gaye kya" ayesha ne muskurate hue kaha.
Tab jakar mujhe hosh aaye aur main nazrein churaane laga, aur idhar-udhar lal mitti se bani deewaron ko lekhne laga. Itna to jankar mujhe khushi hui thi ke ayesha bhi mujhe pahchaan gayi hai.
"deewaron ko hi dekhte rahoge, ya kuch bologe bhi. Tumhari aadat ab bhi nahi badli hai, idiot" usne pyar se jhidakte hue kaha.
Main, "nahi....main.....wo...main....haan..photo le raha tha"
"itne saal ho gaye lekin tumhe jhooth bolna nahi aaya" ayesha ne pyar se kaha.
"main soch raha tha tum shayad pahchani nahi mujhe" maine haklaate hue kaha.
"tumhe kaise nahi pahchanti, ek time ko khud ko bhool sakti hoon, lekin tumhe......." ye kahte hue uski aawaz thoda bharragyi.
Main wahin haath baandhe hue khada use dekh raha tha. Aakhir uske aansu bahar aa hi gaye, usne peeche mudte hue kaha "theek hai tumhe mujhse baat nahi karni to koi baat nahi" aur mandir se bahar jaane lagi.
Mujhe aisa laga jaisa meri zindagi mujh se rooth gayi ho, maine apni poori himmat ko ikattha kiya aur uski kalai pakad li. Dimag main yahi bithaya ke "beta maan ja dekh ye teri zindagi hai ye chali gayi to tu toh hogaya brahmachari, kyun ki fir tujhe na aaye pasand koyi naari, isliye control rakh beta"
usne peeche mud kar dekha to maine apni oopar-neeche chadhti saanso ko control main karte hue kaha, "mujhe tum se akele main baat karni hai" ye baat maine ek hi saans main kah di thi.
Ayesha, "tum meri didi ko nahi jaante ho wo kaafi dengerous kism ki hain, aur thodi jealous bhi to....."
main, "to kya? Pyar kiya to darna kya?" ye baat bus meri zaban se phisal gayi thi. Maine apna sar par ek haath rakha aur "main wo main".
"idiot, chalo kuch to kaha tumne, sirf tumhare chup rahne ki saza mujhe akele bhugat ni padi itne saal. Chalo mujhe bhi tumse bahot baatein karni hain, kuch karo aur didi ko talkao" ayesha ne khush hote hue kaha.
Main, "hmmm...(bluetooth activate karne ke baad) amit dekh teri bhabhi to mil gayi, lekin bhabhi ki bahen, bhabhi ko jaane nahi dengi, aur mujhe teri bhabhi se akele main baat karni hai, (ucchalte hue) kuch kar yar, kuch kar saale"
amit, "abe koun bhabhi, accha-accha kahi..."
main, "haan ayesha ki baat kar raha hoon"
amit, "oye chak de fatte, ullu de patthe"
main, "kuch kar yar"
amit, "abe main kya karu, waise hi ye aurat kaafi danger lag rahi hai, chhup-chhup kar phone par baat kar rahi hai, aur iske chhupne ki wajah se mujhe bhi chhupna padh raha hai, oye wo andar aa rahi hai"
main, "idea"
amit, "kya?"
main, "abe tu chup kar"
"ayesha fatafat haath jodh kar khadi ho jao, aur wo pooche to vrat ye kuch bhi batakar taal do, baaki main sambhal lunga" ayesha jo hairat se mujhe dekh rahi thi, se maine jaldi-jaidi kaha. Aur wahan bane makdi ke jaalo ke photo lene laga.
Anjali ander aate hue, "are kab tak prathna karti rahegi. (meri taraf dekhte hue) jab se college se aayi hai tab se pata nahi bhagwan se kya maangti rehti hai".
Uske ye kahte ke saathi hi, ayesha ne aankhein kholi aur mujhe dekha, kyunki ab bhi main uske saamne thode left par khada tha, jabki anjali peeche. Aur phir aankhein bund karli, iska matlab saaf tha. Mujhe bahut khushi hui ki wo mujhe maangti hai.
Main, "miss anjali aap ghar jaa rahi hain kya?"
anjali, "nahi wo mujhe zara kaam tha"
main, "kaam aapko...theek hai koi baat nahi, aap fikr mat kijiye main sham main aapke ghar aaunga to inhe leta aaunga"
anjali, "shaam mein.....anjali tum ruk jaogi?"
main, "haan main mr.sen ko call karwadunga"
amit, (bluetooth se) abe pagal itna excite mat ho, nahi to ghanta dikha degi wo"
ayesha, "haan didi main dadi ko call kardungi aur sham mein to ye mujhe chhod hi denge"
anjali, "theek hai" aur wo tezi se bahar nikal gayi. Uske nikalte hi amit ander aaya.
Main, "amit iska peecha kar"
amit, "tune pahli baar dhang ka kaam diya hai yar, nahi to dhang ke kaam to mujhe khudhi lene padhte hain"
main, "abe peecha karne keh raha hoon main, kuch aur nahi. Chal bike manga aur nikal. Sham ko office main milte hain. Dawat saath khayenge"
amit, "ye meri jaan" aur isi ke saath amit bhi mandir se bahar nikal gaya.
Ayesha, "dekha tumne, kaise bahen hai, dekhi hai aisi bahen jo apni bahen ko akele sumsaam ilaake main kisi anjaan aadmi ke saath chhod jaaye"
main, "kya kaha anjaan aadmi? Excuse me, unhone anjaan aadmi ke saath nahi, commissioner ke saath chhoda hai, ek aise comm. Ke saath jo apni duty ko acche se jaanta hai, aur apne kartavyo ko use bakhubhi nibhana bhi aata hai. Aur ab aisi baat hai to ab to tumhe main tumhare ghar hi chhodunga chahe uske liye mujhe laashein kyuna bichhani padein"
ayesha, "are naraz kyun hote ho, tumhe nahi pata yahan koi jallad hota to wo uske saath bhi chhod deti mujhe, bahut jalti hain mujhse didi pata nahi kyun?
Aajtak mein sahi salamat hun, shayad bhagwan ko tumse milana tha isliye. Nahi to main to kabki barbaad ho chuki hoti, mar chuki hoti" aur wo rone lagi.
Main uske aansu pochte hue "are rone se kya fayda, mujhe dekho aaj tak jitne bhi dukh jhelen hain hanste hanste. Tumse pyar kiya aur jis din izhaar karne aaya uss din tum college se chali gayi. Mujh par kya beeti thi us waqt ye to upar waala hi jaanta hai. Zindagi main pahli baar kisi se pyaar kiya tha. Haan ayesha I LOVE YOU.
Main tumse bepanah mohabbat karta hun. Tumhi wo ladki ho jiske liye aaj-tak maine kisi ladki ko aankh utha kar nahi dekha, tumhi ho wo jiska intezaar main aaj tak kar raha hun, tum hi mera sabkuch ho. Chahe tum mujhe kabool karo ya na karo, ek baat sun lo main hameshaa tumhara hun. Aur isi ke saath do boond aansu meri aankhon se kayi saal baad tapak pade. Jo ek baar ayesha ke chale jaane par tapke the, aur aaj uske mil jaane par.